موضوع مهمك جدا

السلام عليكم

أولا بحب ارحب بيكوا فى اول موضوع ليا على منتدانا الغالى والمتميز دائما
الموضوع اللى انا عايز اتكلم معاكوا فيه النهاردة موضوع خطير جدا وناس كتير اتكلمت فيه وحبيب قلبى الأستاذ اسامة منير اتكلم فيه فى برنامجه الرائع انا والنجوم وهواك الموضوع انه دلوقتى بقيت بسمعها كتير اوى وبقيت بتتقال بشكل عادى جدا ان مينفعش ان واحد يرتبط بواحدة كان ماشى معاها والحوار سمعته من صحابى كتير اوى انه مينفعش يرتبط بواحدة كان ماشى معاها طيب ليه وفى ناس تقولك انا احبها اه نخرج مع بعض عادى لكن اتجوزها مستحيل طيب ليه سؤال يطرح نفسه ولازم نلاقيله اجابة ياجماعة الموضوع بقى فعلا خطير طيب طالما انت مش حترتبط بيها يبقى ازاى بتحبها وليه انت بتخرج معاها يعنى انت حترتبط ازاى طالما اللى انت بتحبها مش حترتبط بيها عشان انت ماشى معاها وكله يقولك انا حتجوز واحدة بنت ناس ومحترمة طيب واللى انت بتحبها دى مش محترمة يعنى ولا ايه طيب انت حبتها ليه مدام هى مش كويسة وبعدبن انت تضمن منين ان اللى انت حترتبط بيها متكونش مشيت مع حد قبلك حاجة غريبة فعلا اللى احنا بنشوفه دلوقتى فى كل حتة ولد ماشى مع بنت او فى الجامعات مجموعة ولاد مع مجموعة بنات وفى منهم اللى بيحبوا بعض او بمعنى ادق بيمثلوا انهم بيحبوا بعض لأن كل اللى احنا بنشوفهم دول هما متأكدين وعارفين انهم مش حيرتبطوا طيب يبقى ازاى بيحبوا بعض وتلاقى بعد فترة من حبهم ينفصلوا عشان اى سبب تافه لأن باختصار الشاب مينفعش يرتبط بيها عشان مشى معاها وهو فاكر بعد مثلا مامشى مع بنات كتير ولف ودار وعمل كل اللى فى نفسه انه حيرتبط بواحدة محترمة وتكون ما مشيتش مع حد قبله طيب ازاى اصل بالعقل كده الجزاء من جنس العمل وربنا يمهل ولا يهمل واكيد زى مانت سوءت سمعة بنات كتير ربنا حيبعتلك واحدة تكون مشيت مع نص شباب البلد وتتخدع فيها وهى تفهمك ان مفيش حد لمسها ولا حتى والدها وطبعا حترتبط بيها وساعتها حتبقى ........ اكيد انتوا عارفين حيبقى ايه الموضوع باختصار طالما انت شايف ان هى مش كويسة حبتها ازاى وطالما انت مش حترتبط بيها بتخدعها ليه وكأن دلوقتى فى زمانا ده رجولة الشاب بتقاس بعدد البنات اللى مشى معاهم ولعب بيهم انا بلاقى دايما كتير من اصحابى يقول انا كنت لسه ماشى مع بنت ومكملتش معاها شهرين واتخنقت منها واديتها بمبة وبيفتخر انه عمل كده زى مايكون ده شرف ليه او فاز بجائزة نوبل مع العلم انه كده بيجاهر بالمعصية واللى بيجاهر بالمعصية متجوزش عليه الرحمة واللى يخلى حد يرتكب معصية ده عذابه بيبقى اكتر من اللى بيرتكب المعصية نفسها لأن الولاد بيجبروا البنات فى حالات كتير اوى على انهم يخرجوا معاهم وده طبعا بعد مايكون حلفلها بشرفه ان ميت فى تراب رجليها وانه مالوش حد غيرها ولازم حيتجوزها بس لما ربنا يفرجها ومع الآسف البنت بتصدق والسؤال المهم لو انت فعلا بتحب البنت دى وخرجت معاها وانت متأكد ان هى بتحبك بجد وان هى محترمة ومخلصة ليك وعمرها ماحتكون لحد غيرك ياترى برده حتقول انا مش حرتبط بيها عشان مشيت معاها ولا ايه لأن فعلا لو انت واثق فيها عمرك ماحتقول كده وحلنى بقى لحد ماتلاقى واحدة محترمة فعلا مامشيتش مع حد قبل كده انا مش حقول انه مفيش ولاد ممشيوش مع بنات ولا ولاد ممشيتش مع بنات لا طبعا فى بس قليل لأن مع الآسف فى زمانا ده الحاجات الوحشة اكتر من الحاجات الكويسة حاجة اخيرة عايز اقولها ليكوا بما انى ولد زيكوا لو فعلا انت قابلت واحدة حبتها صارحها بمشاعرك وكل حاجة بس بلاش تخرج معاها وحافظ عليها وعلى سمعتها واخرج معاها لما ترتبط رسمى عشان تشيل من عليك الغلط لأنك لازم تخاف على سمعتها اكتر منها لأن دى فى المستقبل حتكون شريكة حياتك وام اولادك وصدقونى الحلال مفيش احلى منه عشان ربنا يرضى عنا ويحبنا لأن الحب عمره ماكان عيب ولا حرام لكن الحاجات التانية دى اللى احنا بنقول عليها حب وهى مع طبعا مش حب هى ملهاش مسمى غير بقى على حسب نية كل واحد فالحاجات دى هى اللى حرام ومش الحب الصادق الطاهر واتمنى تشاركونى برأيكوا ونحاول نوصل لحل واتمنى انى اكون قدرت افيدكوا بحاجة وآسف جدا على الإطالة وتذكروا قول رسولنا الكريم صلى الله عليه وسلم " لأن يطعن في رأس أحدكم بمخيط من حديد خير له من أن يمس امرأة لا تحل له " السلام عليكم

f3ln mwdoo3 gmel awy wby7sl kter
awy elayam d bs msh kol elshbab
kda wb3den elshab elly by3ml kda
fbnat enas msh by5af 3la o5to
yt3ml feha kda ana msh 3rfa bgd elshbab
b2a mlhom elaym d mbd2hom 3'reba
3l3mom merci lek bgd 3lmwdo
elmmyz awy da

شكرا ليكى نورتى التوبيك باضافتك الممتازة

موضع جميل اوى والله يا ساحر
تسلم ايدك

انا مع زا برنسس ف اللى قلته دلوقتى لما تيجى تقول للواحد
يرضى يتعمل كده ف اختك يقول لا زى مرضاش ع
اختى مرضاش ع بنات الناس
وتلقيه بعديها بشهر ولا اسبوع ناسى الكلام اللى قاله ع اخته
وخاين البنت دى او ضحك عليها ولا اكن اخته ف الاول اساسا
ف الحسبان وف الاخر بيظلم بنات الناس واخته معاهم لان
اكيد ربنا هيردها فيها هى
ميرسى ليك ساحر القلوب ع طرح الموضوع الجامد والمهم ده

فعلا والله عندك حق يا برنسيس فى كل كلمه قولتها
يجد تسلمـ ايديكـ يا حيى ع التوبيكـ الجميل ده
وطرحكـ الجمل

بجد ميرسى ليكو اوى نورتو التوبيك

تسلم الايادى
ميرسى كتير ليك فعلا توبيك مهم جدا

تسلم ايدك

» موضوع عن الحب !!
» موضوع عن الصوفية
» هزا الموضوع تكملة رد موضوع كناريا عن فتاة النت السيئة