ازاى تبقى روش طحن؟؟؟؟!!

بص بقى احنا لازم نعيش حياتنا ... آه زى الشباب بتاع امريكا كده.. وزى
الفيلم اللى شفناه امبارح .. شفت الواد كان معلق كام مزة... والا العربية
اللى راكبها .. والا الموبايل اللى ماسكه ...دى الناس اللى عايشة يامان



طب ح نعمل ايه ؟



اضرب شعرك جيل زى تامر حسنى .. وانا هـ اعمل سبايك زى بتاع عمرودياب .. وجزمة كعب كباية .. وحتة سلسلة جنزير محترمة .. وانسيال جلد

واشمعنى يعنى جلد ما تخليه دهب زى السلسلة ؟


افهم يا حمار دى موضة .. خليك روش وحديث ومتفتح كده ع العالم

الخارجى .. انسيال جلد زى اللى لابسه ريكى مارتن فى الاغنية ..

ركز بقى معايا .. بقولك ايه .. ولع الدبوس التانى خلينا نعرف

نتكتك



ماشى





بيس يا مان .. بس مش الحاجات دى محتاجة فلوس برضه .. والا انا

بيتهيأ لى


سهلة يا مان .. مافيش اسهل من سرقة الموبايلات اليومين دول ..

واهى الناس ماشية تايهة.. واى حد سهل تغفله

ويا عم مش عارف تسرق موبايل اضحك على اهلك و إلهف منهم اي حاجة محدش بيسلم صدقني



آه فكرة


بعد بقى ما نظبط المسائل .. ننزل بقى نتدنجل .. ونعلق مزز .. اونروش فى اى صالة ديسكو .. ونعيش يا معلم

ميه ميه ياريس .. بس انا برضه اتكسف امشى فى الشارع وانا عامل فى

نفسى الحاجات دى


يا بنى آدم افهم .. انت ح تفضل طول عمرك متاخر كده .. ده اسمه

نيو لوك يا مغفل .. وبعدين ما تنساش تبقى تميع وسطك شوية فى

البيت مع نفسك على انغام روبى و هيفا ... علشان تبقى شب روش طحن

.. هما البنات بيحبوا كده .. اسمع كلامى وسيبك من الواد (سيد) ده

اللى ح ببوظلك دماغك .. صلاة ايه وصيام ايه وتعذيب ايه .. وده

حرام وده حلال .. وسوريا وفلسطين والعراق


الا صحيح اليهود بقالهم 54 سنة فى فلسطين ؟


يا عم احنا مالنا اياكش يولعوا ف بعض .. يابا خلينا نعيش حياتنا.. والا انتا عايز تخش المعتقل؟


اخش المعتقل ليه ؟


هو كده .. ح تمشى ف سكة الدين والسياسة .. وتقعد تقولى ده صح وده

غلط ... ح تبقى أخرتك فى المعتقل .. ح تبقى روش طحن .. ودماغك

انضف م الصينى بعد غسيله .. ح تبقى حبيب الكل يا سافو .. اشرب ..

انسى .. ما تفكرش ..ما تحلمش .. ما تحسش .. قضى يومك خليه يعدى

.. والعمر كله يعدى







يا ريت يا جماعه تفكروا كويس في الموضوع المكتوب ده ,وكل واحد يدخل يقول رايه ايه؟؟؟

وطبعا ربنا يهدى شباب المسلمين جميعاااااااااااااااااااااااااااااا

اللهم امين

معاكى طبعا وانا كاتبه الموضوع ده يمكن اى شاب يقراه يحس انه بيعمل حاجات غلط


لان الحاجات دى بتشغله عن دينه وتبعده عن ربه وكمان المفروض مفش شاب ولا اى حد فى الدنيا دى مش بيصلى لازم نصلى الاالصلاه لانها لو بطلت بطل سائر العمل ولو صلحت صلح سائر العمل

وربنا يهدى جميع شباب المسلمين يا رب


انا عاوزه بقى راى الشباب فى الكلام ده

الموضوع جميل جداا انا معاكى فى الموضوع دة لان اى شاب يشوف مغنى بيعمل شعرة كذا لازم يعمل زيه طيب ليه ميعملش العكس يولك اصل الموزه بتحتى عوزانى كدا واد روش والله العظيم عيال فضيه عيزه تاكل وتشرب وتنام وتعيش قصه حب مش خيفين من ربنا كل االى عوزينه ازاى يخلى البنت دى تحبه حتى ولو عملو المستحيل زى فعلا ما بتعمل الدول الاوربيه اسطرها يارب علينا دنا هفرقع من الشباب دى ولو واحد قال نصيحه لهم يقلك ونت مالك هونت الى بتعمل ولا انا وبعدين هونت الى هتخش النا ولا انا اسطرها يا رب