Hi Music

عيش بكرا اليوم
 
الرئيسيةالرئيسية  مكتبة الصورمكتبة الصور  س .و .جس .و .ج  التسجيلالتسجيل  دخولدخول  

شاطر | 
 

 الحب بالمعني الصحيح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الملاك الحزين
administrators
administrators


عدد المساهمات : 3130
العمر : 24
الموقع : فى بيتنا
الجنسية :
المزاج :
النادى المفضل :
الاوسمة :
الوظيفة :
الجنس :
تاريخ التسجيل : 28/07/2009

مُساهمةموضوع: الحب بالمعني الصحيح   الإثنين نوفمبر 30, 2009 8:14 am

--------------------------------------------------------------------------------
هل أنت متردد في اختيار شريك حياتك ومش عارف هو مناسب ولاّ لأ؟؟؟
هل مشاكلك زادت مع زوجتك وبتحاول تصلح العلاقة؟؟
هل حاسس إن فيه شروخ في علاقتك مع حبيبك؟؟
هل بتحس ساعات إنه مش فاهمك وإنت مش فاهمة؟؟

.. الحب
هو أقوى عاطفة إنسانية على الإطلاق.. مافيش حد يقدر ينكر طبعا
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب

هل الكلام ده صح؟؟
الإجابة هي: طبعا لأ
الكلام ده مش صح..
فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ماعندناش أي فكرة عنها
**********
الدنيا ربيع والجو بديع

فيه حكمة أمريكية شهيرة بتقول: مافيش أي شيء مؤكد في حياتنا غير: الموت والضرايب
وأضاف د." فيل":............. والإحباط
من كتاب
(Relationships Rescue)

الإحباط فعلا شيء مؤكد في حياتنا كلها ولازم نتعامل معاه
هتحبط في العمل مثلا.. في الدراسة.. في البيت.. في الشارع
وأكيد أكيد.. هتلاقي إحباط.. في الحب
لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل.. لكن هل الحالة دي بتستمر؟؟
طيب.. عشان نعرف إيه هو الموضوع لازم نتكلم عن مراحل الحب

المرحلة الأولى: مرحلة الانبهار
في المرحلة دي بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم
تتميز المرحلة دي بالتالي: بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه وكده يعني.. باختصار: بتحس إنه كامل
والمرحلة دي هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية
شيء مهم جدا: احذر الارتباط في المرحلة دي

المرحلة التانية: الاكتشاف
هي مرحلة إنكم تعرفوا بعض أكتر
بمرور الوقت هتكتشف إن الشخص اللي بتحبه مش كامل زي ما كنت فاكر.. هتكتشف فيه عيوب وحاجات ماكنتش تعرفها.. بل وحاجات بتضايقك كمان
هل ده طبيعي؟
الاجابة: طبيعي تماما.. ولما تلاقي ده بيحصل اعرف إنك ماشي صح
في المرحلة دي بتختفي الصورة المزيفة الي كنت شايفها في مرحلة الانبهار.. هتشوف الشخص ده على طبيعته وفي الوقت ده تقدر تقرر
**********
كيف نتعامل مع هذه الاختلافات؟؟
فيه جملة مشهورة جدا بيقولها المحبين في المرحلة دي: احنا عشان بنحب بعض.. هنتغير احنا الاتنين
هل ده صح؟
الإجابة: الباحثين بيقولوا: غلط طبعا
لنجاح أي علاقة، لازم تحترم اختلاف الآخر وماتحاولش تغيره مطلقا
باكرر: ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. بس
في المرحلة دي تأكد من إنك عرفت الاختلافات اللي في الشخص ده كويس.. واسأل نفسك: هل لسه باحبه رغم الاختلافات دي؟
هل هاقدر أتعايش مع الاختلافات دي؟؟
هل هيحصل صدام بسبب الاختلافات دي؟؟
هل الصفة دي جزء من هويته وتكوينه؟
طبعا فيه تضحيات في الحب.. لكن ما حدود التضحية؟؟
**********
The identity
كل واحد فينا عنده هويّة شخصية.. هي اللي بتحسسه بالثقة والإحساس بذاته.. ومن غيرها يفقد تقديره لذاته
إنت بتنظر لنفسك ازاي؟؟
إنت مين؟
إيه صفاتك؟
كل واحد فينا عنده ثوابته ومبادئه أيا كانت... دينية، اجتماعية، ثقافية
حاجات ماينفعش تتغير فيه
واحد ملتزم (هويته): القرب من الله هو طريق السعادة
واحد متحرر (هويته): لا زم أنبسط قدر الإمكان.. باكره الزعل
واحد مصلح (هويته): هدفي أصلح البلد
وكده يعني
كل واحد له هويته اللي بتحدد نمط حياته
زي ما قلنا: الاختلاف طبيعي بين أي اتنين بينهم علاقة.. بس أهم حاجة: الهوية دي ماتكونش متضاربة
يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل
مثال لهويات متضاربة:
واحد متشدد - راقصة باليه
مصري مخلص - إسرائيلية بتكره مصر
واحد عايز يصلح المجتمع - واحدة عايزة تعيش حياتها
فهمتم قصدي إيه؟
أي خلافات تانية ممكن تتحل
يعني مثلا:
واحد بيحب الكورة - هي بتحب الموسيقى
هو بيحب القراءة قبل النوم - هي بتحب الفرجة على التليفزيون
هو بيحب المحشي - هي بتحب الريجيم
دي حاجات مش في صميم الهوية الشخصية للواحد منهم.. كلها حاجات ممكن يوجد لها حل وسط
لكن ماتحاولش أبدا تغير الشخص التاني زي ما قلنا.. ماتجبرهاش تحب الكورة مثلا.. ماتجبريهوش يبطل قراءة ويتفرج على التليفزيون
أي حلول وسط زي: إنتي تتفرجي على التليفزيون وهو قاعد جنبك يقرا!! بس كده
**********
نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه
the unconditional love
أو الحب غيرالمشروط
أي خلاف بينك وبين حبيبك لو كان فيه أي حاجة أيا كانت ممكن تتعايش معاه.. إلا لو اختلاف في الهوية
ما أهم قيمة في حياتك؟؟
جميل.. لا تتنازل عنها إذن
**********
حافظ على هويّتك وماتضحيش بيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟
لو إجابتك هي: نعم
يبقى ألف مبروك مقدما
وابقوا اعزمونا على الفرح













--------------------------------------------------------------------------------

_________________

الرجوع الى أعلى الصفحة اذهب الى الأسفل
elshoop
General
General


عدد المساهمات : 2320
العمر : 27
الموقع : فى اى مكاااااااااان
الجنسية :
المزاج :
النادى المفضل :
الاوسمة :
الوظيفة :
الجنس :
تاريخ التسجيل : 18/03/2009

مُساهمةموضوع: رد: الحب بالمعني الصحيح   الإثنين نوفمبر 30, 2009 9:06 am

هههههههههههههه

بجد فى كلام اول مرة اعرفة

تسلم ايدك يا قمر

_________________





ـآإلح ـيـآإة بدونكـ ..... سرآإب
الرجوع الى أعلى الصفحة اذهب الى الأسفل
الملاك الحزين
administrators
administrators


عدد المساهمات : 3130
العمر : 24
الموقع : فى بيتنا
الجنسية :
المزاج :
النادى المفضل :
الاوسمة :
الوظيفة :
الجنس :
تاريخ التسجيل : 28/07/2009

مُساهمةموضوع: رد: الحب بالمعني الصحيح   الإثنين نوفمبر 30, 2009 9:49 am

لازم يعنى يا احمد
طول ما احنا عايشين لازم نستفيد ونفيد
ميرسى على مرورك الجامد دة
وطبعا يشرفنى انك اول حد ترد على التوبيك
منور التوبيك

_________________

الرجوع الى أعلى الصفحة اذهب الى الأسفل
 
الحب بالمعني الصحيح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Hi Music :: ~ نبضــّــات وفرفشٌة ~ :: احلي حب ـــ loVE 4 EveR-
انتقل الى: