Hi Music

عيش بكرا اليوم
 
الرئيسيةالرئيسية  مكتبة الصورمكتبة الصور  س .و .جس .و .ج  التسجيلالتسجيل  دخولدخول  

شاطر | 
 

 عاوز تموت من الضحك .... ادخل بسرعه ! ؟ ! ؟ ! ؟ ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Come back 2 me
S.moderator
S.moderator


عدد المساهمات : 360
العمر : 25
الموقع : الهند
الجنسية :
المزاج :
النادى المفضل :
الاوسمة :
الوظيفة :
الجنس :
تاريخ التسجيل : 29/06/2009

مُساهمةموضوع: عاوز تموت من الضحك .... ادخل بسرعه ! ؟ ! ؟ ! ؟ ؟   السبت أغسطس 01, 2009 6:41 pm

بسم الله الرحمن الرحيم

انا جايبلكم حكايه ....


الحكاية حكايه كل شباب انهارده .. حنشوفها في شخصيه ميزو : الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !


وتبدأ الحدوته


ميزو: تتجوزيني ؟

سمسمه ـ أفندم ؟

ميزو ـ بقولك تتجوزيني ؟

سمسمه ـ !!!!!

ميزو ـ تتجوزيني ؟

سمسمه ـ لا !

ميزو ـ ليه ؟

سمسمه ـ بصر** كدة شكلك مش عاجبني ..

ميزو ـ إزاي يعني ؟

سمسمه ـ يعني .. أصل أنا ليا مواصفات معينة لفارس أحلامي .

ميزو ـ مواصفات معينة ؟ .. هو انتي هتتجوزي عربية ؟

سمسمه ـ لا ! .. بصر** كدة .. إنت مش فارس أحلامي اللي باتمناه !





*****



ميزو ـ تتجوزيني ؟

سمسمه ـ إيه ده ؟ شكلك اتغير !

ميزو ـ إيه رأيك ؟

سمسمه ـ واو .. شعرك بقة ناعم ! .. دي باروكة ؟

ميزو ـ أيوة

سمسمه ـ ودي عدسات خضراء ؟

ميزو ـ أيوة

سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !

ميزو ـ مين عباس كيج ده ؟

سمسمه ـ عباس ؟!! ياي .. إيه عباس دي ؟ اسمه نيكولاس ..

ميزو ـ مين نيكولاس ده ؟

سمسمه ـ بقة مالكشي في السيما وجاي تكلمني ؟ .. ياي !





*****



ميزو ـ تتجوزيني ؟

سمسمه ـ انت لسة ليك عين تكلمني ؟

ميزو ـ أيوة .. أنا عرفت مين بنكرياس كيج ده

سمسمه ـ أولاً : اسمه نيكولاس كيج ..

ميزو ـ أيوة أيوة .. كنت هاقول اسمه صح .. بس اختصرته .. ده ممثل

سمسمه ـ ممثل إيه ؟

ميزو ـ ممثل أمريكاوي

سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي



ميزو ـ دونكي دي تبقى شتيمة ؟

سمسمه ـ أوف كورس





*****



ميزو ـ تتجوزيني ؟

سمسمه ـ عندك عربية موديل كام ؟

ميزو ـ موديل دي تبقى شتيمة ؟





*****



ميزو ـ تتجوزيني ؟

سمسمه ـ قوللي الأول .. حاطط أنهي نغمة في الموبايل بتاعك ؟

ميزو ـ نغمة دي تبقى شتيمة ؟





*****



ميزو ـ تتجوزيني ؟

سمسمه ـ ما قلتليش .. إنت بتشتغل إيه ؟

ميزو ـ أنا -بلا فخر- عاطل

سمسمه ـ عاطل ؟ .. ياي ! ..

ميزو ـ مش أحسن من اللي ما بيشتغلش ؟

سمسمه ـ لا

ميزو ـ يعني مش هتتجوزيني ؟

سمسمه ـ لا يا ميزو

ميزو ـ كدة أنا أزعل

سمسمه ـ ما تزعلش يا بابا .. خليك فريش

ميزو ـ ماشي .. ماشي .. بس قوليلي ..

سمسمه ـ إيه ؟

ميزو ـ فريش دي تبقى شتيمة ؟





*****



ميزو ـ تتجوزيني ؟

سمسمه ـ لقيت شغل ؟

ميزو : أيوة طبعًا .. سنتين وأنا بادور .. أخيرًا لقيت ..

سمسمه : وإيه هو ؟

ميزو : سواق تاكسي .

سمسمه : ياي ! .. مش مكسوف وانت بتقولها ؟

ميزو : فيها إيه ؟ العمل شرف .. وكلها كام سنة وأجمع مبلغ كويس ..

سمسمه: شرف ؟ جتك القرف !





*****



ميزو ـ تتجوزيني ؟

سمسمه : جمعت مبلغ كويس ؟

ميزو: طبعًا .. مبلغ كبير جدًا ..

سمسمه: قد إيه يعني ؟

ميزو : ألف جنيه

سمسمه: نعم ؟!!! .. ألف جنيه دول تروح تسرح بيهم ببطاطا ..

ميزو : يعني موافقة ؟

سمسمه: روح اتنيل .





*****



ميزو : تتجوزيني ؟

سمسمه: عندك شقة ؟

ميزو: طبعًا .. أودة على السطوح ..

سمسمه : نعم ؟!! ..

ميزو : إيه المشكلة ؟! .. أحسن ما ننام في الشارع !

سمسمه : في الشارع ؟! .. إيه الألفاظ السوقية دي ؟! ياي ! .. لازم يا بابا تجيب

شقة .

ميزو : طيب .. كلها كام سنة وأجيبلك أحسن شقة في الدنيا .

سمسمه: وهتجيبها في جاردن سيتي ولا في الزمالك ؟

ميزو: لا .. في الأهلي .. هيهع هيهع هيهع !





*****



( بعد سنوات) :



ميزو : تتجوزيني ؟

سمسمه : جبت الشقة ؟

ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت

لسبع سنوات .. لكن المهم إنها جات ..

سمسمه : فانتاستيك

ميزو : بس الشقة ناقصة حاجة .

سمسمه : إيه هي ؟

ميزو : مفيهاش حمام !

سمسمه : امشي من قدامي ! .. مش طايقاك !





*****



ميزو : تتجوزيني ؟

سمسمه : إنت تاني ؟

ميزو : جبتلك حمّام إنما إيه

سمسمه : خليه ينفعك

ميزو : ليه بس ؟ .. ده ينفع لينا احنا الاتنين

سمسمه : وأنا مالي ؟

ميزو : مش عاجبك .. مش مشكلة .. أكتبه باسمك





*****



(بعد سنين) ..



ميزو : هتتجوزيني ولا أولع فيكي ؟

سمسمه : ومالك محروق كدة ؟

ميزو : حكايتنا طولت قوي .. طولت أكتر من اللازم

سمسمه : أوكي .. بس ممكن أعرف حاجة ؟

ميزو : إيه ؟

سمسمه : إنت ليه متمسك بيا أوي كدة يا مزمز ؟

ميزو : أصل .. أصل ..

سمسمه : أصل إيه ؟

ميزو : أصل أنا بحُبك (بضم الحاء) !

سمسمه : بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..

وبعدين خليك روش وقول : I love you

ميزو : ماشي .. بس قوليلي ..

سمسمه : نعم ؟

ميزو : روش دي تبقى شتيمة ؟





*****



ميزو :تتجوز يني ؟

سمسمه :بصر** .. في حاجة كنت عاوزة أقولهالك من زمااااااان يا ميزو .

ميزو :إيه ؟

سمسمه : أنا بصر** .. مش شايفة إن في حد في العالم يستاهلني

ميزو : يا سلام ! .. ليه ؟

سمسمه : عشان أنا جميلة .. خفيفة الدم .. رشيقة .. رقيقة ..

ميزو ـ رقيقة ؟! .. ده انت بدأتي تقشفي

سمسمه : فشر !

ميزو : فوقي لنفسك .. العمر بيجري ..

سمسمه : أنا مصرة على رأيي

ميزو : يعني إيه ؟

سمسمه : يعني اقطع معايا

ميزو : بعد كل السنين دي ؟! .. بعد كل الحب ده ؟!!

سمسمه : بلاش تراجيديا من فضلك

ميزو : ماشي .. بس قبل ما أمشي عاوز أسألك سؤال واحد بس ..

سمسمه :إيه هو ؟

ميزو :تراجيديا دي تبقى شتيمة ؟





*****



( بعد سنوات ) ..



ميزو : تتجوشيني ؟

سمسمه : إيه ؟

ميزو : تتجوشييينييييييي ؟

سمسمه : إنت مين ؟

ميزو : أنا حبيبك يا هبلة .. البشي النضارة عشان تشوفيني

سمسمه : طيب شاعدني عشان ألاقي النضارة

ميزو : آهي على الترابيزة قدامك

سمسمه : فين ؟!!

ميزو : لا دي نظارتي أنا

سمسمه : أيوة لقيتها ..

ميزو : البشيها بقة

سمسمه : ططييبب

ميزو : عينيكي فوق شوية يا سماسم .. ده بقك ..

سمسمه : طيب لبشهالي إنت

ميزو : عقبال ما البشك الدبلة

سمسمه : ما تكشفنيش يا ميشو بقي .. كنت بتقول إيه بقى ؟

ميزو : كنت بقول تتجوشششيييينيييييي ؟

سمسمه : أكوشك ؟ .. إزاي ؟

ميزو : يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟

سمسمه: دي شتيمة ؟

ميزو : لاااااء .. بقولك تتجوشيني ؟

سمسمه : آه !! .. أجوشك

ميزو : بالضااااابط .. هاه ؟

سمسمه : شيبني أفكر

ميزو : أشيبك تفكري ؟! .. ده انت هتموتي خلاش !

سمسمه: لا .. شيبني أفكر بش

ميزو : ربنا يوفقك

سمسمه : إيه ؟

ميزو : ربنا يوفقك

سمسمه: بتقول إيه ؟

ميزو :ربنا ياخدك





*****



(على فراش الموت) :



ميزو : تـ … كوح .. كوح .. تتـ .. كوح كاح كيح .. تتكو .. كوح .. كوح ..

تتكوشـ .. كوح كوح .. يني ؟

سمسمه : مش شامعة

ميزو : بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….

سمسمه : أجوش مين ؟!!!

ميزو : هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!

سمسمه : إيه ؟ ..

ميزو : لا .. كوح .. أبدًا .. كوح .. كنت … كح كح .. بأكح

سمسمه : كنت بتكح ؟!!!! .. شلامتك .. ما قلتليش ليه ؟

ميزو : هو .. كوح .. إنتي .. لشة .. عارفـ .. ـة .. كوح كوح

سمسمه ـ بتقول إيه ؟

ميزو : يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟

سمسمه : أجوشك ؟!! .. طب بش خد الدوا الأول

ميزو: يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟

سمسمه :أيوة يا حاج .. موافقة .. موافقة إنك تتكوشني ..

ميزو :أخيـ….كوح كوح ..راااااً !! .. كوح كوح .. كدة أموت .. كوح ..

كوح .. وأنا .. كوح .. مطمئن ومرتاح .. الودااا .. كوح ..ع ع ع ع

سمسمه : يا حاج .. يا حاج ..

لااااااااااااااااااااااااااااا !!




________________________________________




ياقارئ خطى لاتبكى على موتى فاليوم أنا معك وغداً في التراب فإن عشت فإني معك وإن مت فللذكرى ويا ماراً على قبري لاتعجب من أمري .. بالأمس كنت معك وغداً أنت معي .. أمـــوت و يـبـقـى كـل مـا كـتـبـتـــه ذكــرى فيـا ليت كـل من قـرأ خطـي دعا لي




الرجوع الى أعلى الصفحة اذهب الى الأسفل
الجـــــ؟؟ــــــــــنرال
G.Moderator
G.Moderator


عدد المساهمات : 114
العمر : 31
الجنسية :
المزاج :
النادى المفضل :
الاوسمة :
الوظيفة :
الجنس :
تاريخ التسجيل : 29/07/2009

مُساهمةموضوع: رد: عاوز تموت من الضحك .... ادخل بسرعه ! ؟ ! ؟ ! ؟ ؟   الأربعاء أغسطس 05, 2009 5:17 pm

جامـــــــــــــــد ياجميــــــــــــــــــل توبيـــــــــــك خرافه

ممكـــــــــــــن اضحــــــــــــك هههههههههههههههههههههه


وبالجديــــــــــــد كلــــــــــه يامـــــــــــــان احلـــــــــــى واجمـــــــــــد باك عليــــــــــــــك


_________________
الرومانسية تعمل علـــى تجميل الــروح المعنوية

الرجوع الى أعلى الصفحة اذهب الى الأسفل
الملاك الحزين
administrators
administrators


عدد المساهمات : 3130
العمر : 24
الموقع : فى بيتنا
الجنسية :
المزاج :
النادى المفضل :
الاوسمة :
الوظيفة :
الجنس :
تاريخ التسجيل : 28/07/2009

مُساهمةموضوع: رد: عاوز تموت من الضحك .... ادخل بسرعه ! ؟ ! ؟ ! ؟ ؟   الثلاثاء سبتمبر 08, 2009 5:51 pm

هههههههههههههههههههههههههههههههههههههههههههههههههه
لا بجد جاااااااااااااااااااااااااااااااااااااااامد اخر حا جة
تسلم ايدك

_________________

الرجوع الى أعلى الصفحة اذهب الى الأسفل
 
عاوز تموت من الضحك .... ادخل بسرعه ! ؟ ! ؟ ! ؟ ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Hi Music :: ~ نبضــّــات وفرفشٌة ~ :: إضحك من قلبك ـــ LAuGh FrOm YouR HeArT-
انتقل الى: