الشباب دول زى البكتريااااااااااا.......

نعم انهم كالبكتيريا تلاقيهم في كل مكان في كل زمان في كل حتة مفيش حد سالم منهم فعلا شر مفيش منه مهرب (no way)
اليوم حوريكم الشباب في المجتمع بيتصرفوا ازاي:

1)الأخ
اعوذ بالله بجد لما بيكون اخواتنا شباب يا ساتر كاااابوس حاجة كده بنبقى كابسة ع نفس الواحد مش بيبقى طايق نفسه يعمل بقا ع اخته راجل البيت وعاوز بقا يتحكم فيها وديما الجملة المشهورة ليهم( جاية منين ورايحة منين)المفروض الجملة دي يقولها لنفسهم الاول..

2)الطالب في الكلية:
بلاويهم كتير طبعا..وطبعا قدامهم البنات كتير ،أغلبهم اخد اقامة ديما في الكلية سبحان الله الناس مثلا عندها هندسة 5 سنين الا هوا عنده الدبل انا اعتقد انهم المفروض يغيروا النظام بتاع الكليات علشان الشباب..نادر ما تلاقي واحد فيهم فلتة وشاطر..

3)الشاب ع النت:
دي مش محتاجا كلام ،تلات ارباعهم حفظين اسطوانة مشروخة بيقولوها ديما وبجد بقيت قديمة اووي لو مش عرفين يغيروها يقللنا نساعدهم ع الاقل حنحط الكلام اللي عاوزينو احنا ...

4)الشباب في المحلات:
لو كانوا بيبيعوا اعوذ باله تدخلي وجيبك مليان تطلعي فاضية ممكن يخلكو تشتري حاجة انتي مش عوزاها اساسا علشان بس تخلصى من الزن طبعا.. حتقولوا شطارة لا طبعا دا ضحك ع الذقون..

5)الشباب في الشارع:
يا اما تلاقيه بيتخانق او بيعاكس
أ)بيتخانق:يقلب بقا الواد المؤدب الاخلاق حاجة تانية خالص وتسمع شتايم وحاجات غريييبة و دايما كل سنة في تطوير لقاموس الشتايم.
ب)بيعاكس:يقلب قطة يبسبس يتحول كده يعني و ساعات يقلب كلب ويسرع البت و بيقلب طياره لو حد من قرايب البت جاى.

6)الشباب في ماتشات الكورة
هييييييييييييييييييييييييييه ايوة يا عم اديلوا يلا ..ايه الغباء دا ... الله يلعن ابو كده..........
و كلام تانى
.
7)الشباب فى المواصلات
ياساتر عليهم........
تلاقيه لازق فى البت بتاعته قال ايه؟ بيحميها من المتحرشين.........ياخويا بلا وكسه........
ما تسيبها بدل ماهاتفطس فى ايدك.......و لو واحدة قاعدت جنبه يفضل يردد رقم تيلفونه ولا اللى يكون بيحفظه وداخل فيه الامتحان.


__________________